Moussu de la Ginèsto es un brave ome que viéu tranquile e à soun aise dins si terro de Varaioun. Aquéu tenamen qu’àutri-fes a rendu tant d’argènt emé li garanço, que, pièi, a rendu tant de louïs-d’or emé si vigno, rènd, aro, just pèr manja e béure sènso trop coumta ; de blad, bèn que n’en fau ; de vin... mai que ço que n’en volon, à-n-arrousa si prat quand vèn lou moumen de tira lou nouvèu e qu’en ges de pres n’an pouscu chabi lou vièi ; d’óulivo, de frucho, de liéume qu’es uno benedicioun ; de troupèu de galino, de dindo qu’estrepon tout l’an dins lou crapié e ounte la cousiniero pico de-longo pèr la taulo di mèstre.

    Li serviciau ié soun peréu bèn trata. I’a la lapiniero pèr li dimenche e dous porc au pouciéu que podon pas teni pèd i tartifle e is aglan. Acò ’s pèr dire que i’a de que teni lou vèntre countènt e tout lou mounde l’èi.

    Pamens un jour qu’avien besoun d’un jouine varlet pèr ramplaça lou vièi Tòni, plus bon qu’à se coucha li mousco, faguèron veni dóu coustat d’aut un drole d’uno quingeno d’an que i’ èro forço recoumanda pèr moussu lou curat. Lou vièi Tòni, avans de se retira vers sis enfant, i’ avié apres à servi à taulo, à taia coume se dèu gigot, pourquet o voulaio e lou droulas i’ avié pres goust ; se n’en tiravo pas trop mau.

    Li mèstre èron quatre à taulo e quand servien uno poulaio, n’i’avié dous que, d’abitudo, prenien li cambo e dous que prenien lis alo. Un jour dins la jato, i’ aguè qu’uno cambo. Emai fuguèsse pas regardant, moussu de la Ginèsto aguè lèu fa de se n’avisa, mai diguè rèn, se pensè : la cousiniero aura óublida de trempa la soupo dóu chin, em’acò aqueste aura rauba la cueisso touto roustido ; a bèn fa, Medor. E moussu de la Ginèsto se serviguè la tèsto qu’amavo de curaia la cervello.

    Lou lendeman serviguèron tourna-mai un poulet. Lou bestiàri se capitè qu’avié mai qu’uno cambo : « Tè ! se diguè Moussu de la Ginèsto, la cousiniero se degaio, aura óublida de remounta l’aste em’ acò la cueisso se sara brulado. Anen, passo, dison que lou moussèu dóu groumand èi quaucarèn de famous... », e se serviguè lou croupioun.

    Quàuqui jour après aduguèron sus taulo uno bello galino au ris. Avien, bèn coume se dèu, arrengueira li moussèu sus un pelau de ris ensafrana que prenié pèr l’iue e pèr la narro.

    Naturalamen e sèns pensa à mau, moussu de la Ginèsto mandé lis iue pèr vèire s’aqueste cop lou chin vo la cousiniero... mai de cambo n’i’aguè qu’uno.

    – Diàussi ! Diàussi ! Pichot, faguè au varlet, digo-me ’n pau despièi quouro mi galino n’an plus qu’uno cambo...

    – Ah ! Moussu, que vous dirai iéu, n’i’ai jamai vist qu’uno.

    – Coume ! mi galino n’an qu’uno cambo ?

    – Èi coume disès, moussu. E se voulès veni emé iéu, vous farai vèire...

    – Voudriéu bèn vèire acò, pichot insoulènt, que mi galino, aro, n’aguèsson plus qu’uno cambo.

    E s’aubourant coume un ressort, moussu de la Ginèsto seguiguè lou jouine varlet que lou menè tout dre au galinié ...

    Efetivamen, tóuti li galino èron ajoucado, uno pato escoundudo souto l’alo e l’autro sus lou barroun : Clo, clo, clo ! faguèron en vesènt de lume ; mai pas uno meteguè pato au sòu.

    « Ah, boujarroun ! fagué lou moussu, me l’avié di moussu lou curat que vesiés courre l’auro, mai vai-t-en ié dire de ma part qu’as besoun de t’esclargi encaro un pau la visto, e, tè, porto acò à sa capello... »

    Em’acò, flin, flan ! emé quàuqui moustachoun, moussu de la Ginèsto remandè lou drole à la clastro.

​

​

PARVUS FAMULUS

 

    Dominus Ginesta probus est vir qui in Vasionensi fundo suo vitam quiete et facile degit. Illae enim possessiones, quae olim ob rubiam tam fuerunt quaestuosae, quae deinde a vitibus tot nummos fecerunt, nunc ad escam et potionem sine nimia parsimonia vix afferunt ; frumentum satis ad necessarias, vinum… plus quam volunt, satis ut arva riget cum venit tempus novi vini transfundendi nec minimo pretio veteranum vendere possunt ; olivam, poma, olera quasi caeli donum ; gallinarum Indicarumque gallinarum greges quae per totum annum in ruderibus terram radunt ex eisque unam coqua ad dominorum mensam semper praecipit.

    Famuli ab eo aeque clementer habentur. Leporarium est ad Dominicos dies duoque porci in suili qui copiam offarum glandiumque sustinere non possunt. Quae omnia significant satis esse ut venter sit contentus, et omnes quoque erant.

    Quodam tamen die ubi opus erat parvo famulo qui veterem Antoninum suppleret, muscis repellendis solum aptum, arcesserunt ab Apta Julia puerum fere quindecim annos natum ab honorato sacerdote studiose commendatum. Vetus autem Antoninus, antequam apud liberos suos excederet, eum docuerat mensae ministerium, idoneo modo scindere agni femora vel porculos vel volucres et puer earum rerum studio adreptus erat ; et inde satis bene se explicabat.

    Quattuor domini ad mensam sedere solebant et quoties gallina quaedam ministrabatur, duo ex eis pedes, aliique duo alas capiebant. Quodam die in sino tantum erat unus pes. Dominus Ginesta cum parcior non esset, cito tamen id animadvertit nec quidquam dixit, secum putans : coquam fortasse praetermisisse frustum cani tingere, eumque igitur legitime coctum crus subripuisse ; ac bene Medorem fecisse. Et Dominus Ginesta caput sumpsit, quod cerebellum expurgare ei placebat.

    Postridie denuo gallina ministrata est. Accidit ut avi unus tantum pes esset : « Age, secum dixit Dominus Ginesta, coqua vitiatur, fortasse praetermisit veru tollere, igitur crus est ustum. Agedum, esto, dicuntur clunes res esse insignis… », et electum frustum sumpsit.

    Paucos post dies ad mensam adlata est speciosa gallina cum oryza. Frusta, prorsus ut decet, disposita erant in catino crocinae oryzae quae et oculos et nares movebat.

    Scilicet, sed non mala mente, Dominus Ginesta oculis quaerebat num tum demum canis vel coqua… sed pes erat unus.

    « Quid ! Malum ! Puer, famulo ille dixit, dicedum quamdudum gallinis meis pes jam sit unus…

    - A ! Domine, quid tibi dicam, ego semper vidi tantum unum.

    - Quid ? Gallinis meis unus est pes ?

    - Est sicut dicis, domine. Et si voles mecum venire, tibi ostendam…

    - Mihi placeat id videre, puer impudens, meis gallinis tantum jam esse pedem unum. »

    Tum surgens ut machinatio, Dominus Ginesta parvum famulum secutus est qui eum prorsus ad gallinarium duxit…

    Enimvero omnes gallinae sedebant cum uno pede abscondito sub ala, altero in sedili. Clo…clo… clo, illae dixerunt cum lucem viderent ; ex quarum nulla pedem deposuit in solum.

    « A ! Furax ! ait dominus, honoratus sacerdos mihi dixit te tam acutum esse ut videas ventum currentem ; abi tamen et illi a me dic tibi opus esse etiam magis exacuere oculos ; atque id affer ad ejus sacellum… »

    Ita, flin ! flan ! cum alapis nonnullis Dominus Ginesta puerum ad coenobium remisit.

 

FREDERI MISTRAL (1830-1914), Facetiae

​

​